PAMBANSANG LINGGO NG AIDS
Adbiyento: Panahon para Isipin ang Hinaharap nang may
Pag-asa
PAGPAPAHAYAG NG SALITA NG DIYOS
Unang Pagbasa Jer 33:14-16
Sa maraming siglo, mula pa nang panahon ni David, ang bayang Israel ay naghintay sa pagdating ng Mesiyas na inapo ni David, gaya ng pangako ng Diyos. Taglay ng maikling sipi para ngayon ang gayong pangako.
L – Pagpapahayag mula sa Aklat ni Propeta Jeremias
Sinabi pa ng Panginoon, “Duma-rating na ang araw na tutuparin ko ang aking pangako sa Israel at sa Juda. At sa panahong iyon, pasisibulin ko ang matuwid na sanga ni David. Paiiralin niya ang katarungan at ang katwiran sa buong lupain.
Sa mga araw ring iyon, maliligtas ang mga taga-Juda at mapayapang
mamumuhay ang mga taga-Jerusalem. At sila’y tatawagin sa pangalang ito: ‘Ang Panginoon ang ating katwiran.’ ”
Ang Salita ng Diyos!
B – Salamat sa Diyos!
B – Salamat sa Diyos!
Salmong Tugunan Awit 24
B –Sa’yo ako’y tumatawag, Poong D’yos na nagliligtas!
B –Sa’yo ako’y tumatawag, Poong D’yos na nagliligtas!
* Ang kalooban mo’y ituro, O Diyos, ituro mo sana sa aba mong lingkod; ayon sa matuwid, ako ay turuan, ituro mo, Poon, ang katotohanan; tagapagligtas ko na ina-asahan. B.
* Mabuti ang Poon at makata-rungan, sa mga salari’y guro at patnubay; sa mababang-loob siya yaong gabay, at nagtuturo ng kanyang kalooban. B.
* Tapat ang pag-ibig, siya’ng umaakay sa tumatalima sa utos at tipan. Sa tumatalima, siya’y kaibigan, at tagapagturo ng tipan n’yang banal. B.
* Mabuti ang Poon at makata-rungan, sa mga salari’y guro at patnubay; sa mababang-loob siya yaong gabay, at nagtuturo ng kanyang kalooban. B.
* Tapat ang pag-ibig, siya’ng umaakay sa tumatalima sa utos at tipan. Sa tumatalima, siya’y kaibigan, at tagapagturo ng tipan n’yang banal. B.
Ikalawang Pagbasa 1 Tes 3:12- 4:2
Matibay ang paniwala sa nalalapit nang ikalawang pagdating ni Hesus, lalo na ng mga taga-Tesalonica. Ang gayong paniwala ay may mga implikasyon ding moral, ayon kay San Pablo sa sumusunod na magandang panalanging nababagay sa pagsisimula ng Adbiyento.
L – Pagpapahayg mula sa Unang Sulat ni Apostol San Pablo sa mga taga-Tesalonica
Mga kapatid: Palaguin nawa at pag-alabin ng Panginoon ang inyong pag-ibig sa isa’t isa at sa lahat ng tao, tulad ng pag-ibig namin sa inyo. Kung ito ang mangyayari, palalakasin niya ang inyong loob. Sa gayon, kayo’y mananatiling banal at walang kapintasan sa harapan ng ating Diyos at Ama hanggang sa muling pagdating ng ating Panginoong Hesus, kasama ang mga hinirang niya.
Isa pang bagay ang ipinapayo namin sa inyo sa pangalan ng Pa-nginoong Hesus. Sana’y lalo pang pagbutihin ninyo ang pamumuhay ninyo ngayon – pamumuhay na ayon sa inyong natutuhan sa amin – upang kayo’y maging kalugud-lugod sa Diyos. Batid naman ninyo ang mga aral na ibinigay namin sa inyo buhat sa Panginoong Hesus.
Ang Salita ng Diyos!
B – Salamat sa Diyos!
B – Salamat sa Diyos!
Aleluya Awit 84:8
B – Aleluya! Aleluya!
Pag-ibig mo’y ipakita,
lingapin kami tuwina,
iligtas kami sa dusa!
Aleluya! Aleluya!
lingapin kami tuwina,
iligtas kami sa dusa!
Aleluya! Aleluya!
Mabuting Balita Lu 21:25- 28.34-36
Ang sipi ng Ebanghelyo ngayon ay tumutukoy sa pag-dating ng makapangyarihang Kristo bilang Hukom ng lahat. Ang ikalawang bahagi ay naglalarawan kung paanong dapat maghanda ang mga mananampalataya para sa dakilang pagdating na pagbabatayan ng kanilang kapalarang walang hanggan.
P – Ang Mabuting Balita ng Pangi-noon ayon kay San Lucas
B – Papuri sa iyo, Panginoon!
B – Papuri sa iyo, Panginoon!
Noong panahong iyon: Sinabi ni Hesus sa kanyang mga alagad: “Magkakaroon
ng mga tanda sa araw, sa buwan, at sa mga bituin. Sa lupa, ang mga bansa ay masisindak at malilito dahil sa ugong at mga daluyong ng dagat. Ang mga tao’y hihimatayin sa takot dahil sa pag-iisip sa mga sakunang darating sa sanlibutan; sapagkat mayayanig at mawawala sa kani-kanilang landas ang mga planeta at iba pang katulad nito na nasa kalawakan. Sa panahong iyon, ang Anak ng Tao’y makikita nilang dumarating na nasa alapaap, may dakilang kapangyarihan at malaking karangalan.
ng mga tanda sa araw, sa buwan, at sa mga bituin. Sa lupa, ang mga bansa ay masisindak at malilito dahil sa ugong at mga daluyong ng dagat. Ang mga tao’y hihimatayin sa takot dahil sa pag-iisip sa mga sakunang darating sa sanlibutan; sapagkat mayayanig at mawawala sa kani-kanilang landas ang mga planeta at iba pang katulad nito na nasa kalawakan. Sa panahong iyon, ang Anak ng Tao’y makikita nilang dumarating na nasa alapaap, may dakilang kapangyarihan at malaking karangalan.
Kapag nagsimula nang mangyari ang mga bagay na ito, magalak kayo sapagkat malapit na ang pagliligtas sa inyo.
Mag-ingat kayo na huwag magu-mon sa katakawan at paglalasing at mabuhos ang inyong isip sa mga intindihin sa buhay na ito; baka abutan kayo ng Araw na yaon na hindi handa. Sapagkat darating iyon nang di inaasahan ng tao sa buong daigdig. Kaya’t maging handa kayo sa lahat ng oras. Lagi ninyong idalangin na magkaroon kayo ng lakas upang makaligtas sa lahat ng mangyayaring ito at makaharap sa Anak ng Tao.”
Ang Mabuting Balita ng Panginoon!
B – Niluluwalhati ka namin, Panginoong Hesukristo!
B – Niluluwalhati ka namin, Panginoong Hesukristo!
No comments:
Post a Comment