Ikalawang Linggo ng Adbiento - 9_Disyembre 2012 Taong K

ADBIYENTO: PANAHON NG PAGHAHANDA NG DAAN PARA SA PANGINOON

ANG PAGPAPAHAYAG NG SALITA NG DIYOS

Unang Pagbasa Bar 5:1-9

Malaking krisis ang pinag-daraanan ng mga Judiong ipinatapon sa Babilonia. Sa kanila ipinatungkol ng prope-tang si Baruc ang pananalita ng pag-asang maririnig natin. Ang mensaheng ito’y patungkol din sa atin ngayon.

L – Pagpapahayag mula sa Aklat ni Propeta Baruc

Jerusalem, hubarin mo na ang lambong ng panluluksa at isuot mo ang walang hanggang kaningningan ng Diyos. Ibalabal mo ang kanyang katwiran at iputong mo sa iyong ulo ang korona ng kadakilaan ng Diyos na Walang Hanggan. Itatanyag ka niya sa lahat ng dako. Tatawagin kang “Kapayapaang bunga ng katwiran at karangalan ng pagiging maka-Diyos.” Jerusalem, tumindig ka at umakyat sa mataas na burol. Tingnan mo ang iyong mga anak na sa isang tawag lamang ng Diyos na Banal ay natitipon mula sa silangan hanggang sa kanluran. Nagagalak sila pagkat hindi sila kinalilimutan ng Diyos. Bihag silang inagaw sa iyo at kinaladkad na palayo, ngunit ngayo’y ibinabalik sa iyong sakay sa kaluwalhatian na wari’y nakaupo sa maharlikang trono. 

Iniutos ng Diyos na patagin ang matataas na bundok at walang hanggang burol, at tambakan ang mga lambak upang panatag na makabalik ang bayang Israel na puspos ng kadakilaan ng Diyos. Sa utos niya’y lilitaw ang maraming mababangong punungkahoy upang liliman ang Israel. Aakayin sila ng Diyos, at babalik silang masaya sa pangangalaga ng kanyang habag at katwiran, at liligaya sa liwanag ng kanyang walang hanggang kaningningan. 

Ang Salita ng Diyos!
B – Salamat sa Diyos!

Salmong Tugunan Awit 125

B –Gawa ng D’yos ay dakila, kaya tayo’y natutuwa!

* Nang lingapin tayo ng Diyos at sa Sion ay ibalik, ang nangyaring kasaysaya’y parang isang panagi-nip. Lahat tayo ay natuwa, masasa-yang nagsiawit. B.* Ang sabi ng mga bansang nag-mamasid sa paligid, “Ang ginawa ng Diyos nila ay dakila, anong rikit!” Dakila ngang masasabi, pambihira ang ginawa, kaya naman kami ngayon, kagalaka’y di kawasa! B.* Kung paanong inuulan yaong mga tuyong batis, sa sariling bayan namin, kami, Poon, ay ibalik. Silang mga nagbubukid na nagtanim na may luha, bayaan mo na mag-aning masasaya’t natutuwa. B.* Yaong mga nagsihayong dala’y binhi’t nananangis, ay aawit na may galak, dala’y ani pagbalik! B.

Ikalawang Pagbasa Fil 1:4-6.8- 11

Sa galak ni San Pablo sa magandang pagtugon ng mga mananampalataya ng Filipos, sinulat niya ang awit ng pasa-salamat at kahilingang maririnig natin sa Ikalawang Pagbasa ngayon. Angkinin din natin ang panalangin ng Apostol.

L – Pagpapahayag mula sa Sulat ni Apostol San Pablo sa mga taga-Filipos

Ang aking mga panalangin para sa inyo ay laging puspos ng kagalakan dahil sa inyong tulong sa pagpapalaganap ng Mabuting Balita tungkol kay Kristo, mula nang ito’y inyong tanggapin hanggang sa kasalukuyan. Tinitiyak ko sa inyong ang mabuting gawa na pinasimulan sa inyo ng Diyos ay kanyang lulubusin hanggang sa Araw ng Pagbabalik ni Kristo Hesus. Nalalaman ng Diyos na ang pananabik ko sa inyo ay kasinlaki ng pagmamahal sa inyo ni Kristo Hesus.

Idinadalangin ko sa Diyos na mag-ibayo ang inyong pag-ibig at masangkapan ng malinaw na pagkakilala at malawak na pagkaunawa upang mapili ninyo ang pinakamahalaga sa lahat ng bagay. Sa gayon, pagdating ng Araw ng Pagbalik ni Kristo, matagpuan kayong malinis, walang kapintasan, at puspos ng magagandang katangiang kaloob sa inyo ni Hesukristo sa karangalan at kapurihan ng Diyos. 

Ang Salita ng Diyos!

B – Salamat sa Diyos! 

Aleluya Lu 3:4.6

B – Aleluya! Aleluya! 

Daan ng Poong nar’yan na t’wiri’t ihanda sa kanya. Pag-tubos n’ya’y makikita. 

Aleluya! Aleluya!

Mabuting Balita Lu 3:1-6

Sa sipi ngayon, binabanggit ni San Lucas ang mga tampok na tao noon sa pulitika at relihiyon upang bigyang-diin ang pagiging makasaysayan ng pangyayaring may kinalaman kay Hesus. Ngunit ang higit na mahalaga’y ang mapilit na panawagan ni Juang ihanda natin ang ating mga puso sa pagsalubong sa Panginoon.

P – Ang Mabuting Balita ng Pangi-noon ayon kay San Lucas

B – Papuri sa iyo, Panginoon!

Ikalabinlimang taon noon ng paghahari ni Emperador Tiberio. Si Poncio Pilato ang gobernador sa Judea, si Herodes ang tetrarka sa Galilea at ang kapatid naman niyang si Felipe, sa lupain ng Iturea at Traconite. Si Lisanias ang tetrarka sa Abilinia. Sina Anas at Caifas naman ang mga pinakapunong saserdote noon. Nang panahong iyon, nasa ilang si Juan na anak ni Zacarias. Dumating sa kanya ang salita ng Diyos, kaya’t nilibot niya ang mga lupain sa magkabilang panig ng Jordan at nangaral. “Pagsisihan ninyo’t talikdan ang inyong mga kasalanan at pabinyag kayo upang kayo’y patawarin ng Diyos,” wika niya. Sa gayo’y natupad ang nasusulat sa aklat ni propeta Isaias:

“Ito ang sabi ng isang sumisigaw sa ilang: ‘Ihanda ninyo ang daraanan 

ng Panginoon, tuwirin ninyo ang kanyang mga landas!

Tatambakan ang bawat lambak, at titibagin ang bawat burol at bundok.

Tutuwirin ang daang liku-liko, at papatagin ang daang baku-bako.

At makikita ng lahat ng tao ang pagliligtas na gagawin ng Diyos!’ ” 

Ang Mabuting Balita ng Panginoon!

B – Niluluwalhati ka namin, Panginoong Hesukristo!

Unang Linggo ng Adbiyento - 2 Disyembre 2012 Taong K

PAMBANSANG LINGGO NG AIDS

Adbiyento: Panahon para Isipin ang Hinaharap nang may 

Pag-asa

PAGPAPAHAYAG NG SALITA NG DIYOS

Unang Pagbasa Jer 33:14-16

Sa maraming siglo, mula pa nang panahon ni David, ang bayang Israel ay naghintay sa pagdating ng Mesiyas na inapo ni David, gaya ng pangako ng Diyos. Taglay ng maikling sipi para ngayon ang gayong pangako.

L – Pagpapahayag mula sa Aklat ni Propeta Jeremias

Sinabi pa ng Panginoon, “Duma-rating na ang araw na tutuparin ko ang aking pangako sa Israel at sa Juda. At sa panahong iyon, pasisibulin ko ang matuwid na sanga ni David. Paiiralin niya ang katarungan at ang katwiran sa buong lupain.

Sa mga araw ring iyon, maliligtas ang mga taga-Juda at mapayapang
mamumuhay ang mga taga-Jerusalem. At sila’y tatawagin sa pangalang ito: ‘Ang Panginoon ang ating katwiran.’ ”

Ang Salita ng Diyos!
B – Salamat sa Diyos!

Salmong Tugunan Awit 24
B –Sa’yo ako’y tumatawag, Poong D’yos na nagliligtas!

* Ang kalooban mo’y ituro, O Diyos, ituro mo sana sa aba mong lingkod; ayon sa matuwid, ako ay turuan, ituro mo, Poon, ang katotohanan; tagapagligtas ko na ina-asahan. B.
* Mabuti ang Poon at makata-rungan, sa mga salari’y guro at patnubay; sa mababang-loob siya yaong gabay, at nagtuturo ng kanyang kalooban. B.
* Tapat ang pag-ibig, siya’ng umaakay sa tumatalima sa utos at tipan. Sa tumatalima, siya’y kaibigan, at tagapagturo ng tipan n’yang banal. B.

Ikalawang Pagbasa 1 Tes 3:12- 4:2

Matibay ang paniwala sa nalalapit nang ikalawang pagdating ni Hesus, lalo na ng mga taga-Tesalonica. Ang gayong paniwala ay may mga implikasyon ding moral, ayon kay San Pablo sa sumusunod na magandang panalanging nababagay sa pagsisimula ng Adbiyento.

L – Pagpapahayg mula sa Unang Sulat ni Apostol San Pablo sa mga taga-Tesalonica

Mga kapatid: Palaguin nawa at pag-alabin ng Panginoon ang inyong pag-ibig sa isa’t isa at sa lahat ng tao, tulad ng pag-ibig namin sa inyo. Kung ito ang mangyayari, palalakasin niya ang inyong loob. Sa gayon, kayo’y mananatiling banal at walang kapintasan sa harapan ng ating Diyos at Ama hanggang sa muling pagdating ng ating Panginoong Hesus, kasama ang mga hinirang niya.
 

Isa pang bagay ang ipinapayo namin sa inyo sa pangalan ng Pa-nginoong Hesus. Sana’y lalo pang pagbutihin ninyo ang pamumuhay ninyo ngayon – pamumuhay na ayon sa inyong natutuhan sa amin – upang kayo’y maging kalugud-lugod sa Diyos. Batid naman ninyo ang mga aral na ibinigay namin sa inyo buhat sa Panginoong Hesus.

Ang Salita ng Diyos!
B – Salamat sa Diyos!

Aleluya Awit 84:8

B – Aleluya! Aleluya!

Pag-ibig mo’y ipakita,
lingapin kami tuwina,
iligtas kami sa dusa!
Aleluya! Aleluya!

Mabuting Balita Lu 21:25- 28.34-36

Ang sipi ng Ebanghelyo ngayon ay tumutukoy sa pag-dating ng makapangyarihang Kristo bilang Hukom ng lahat. Ang ikalawang bahagi ay naglalarawan kung paanong dapat maghanda ang mga mananampalataya para sa dakilang pagdating na pagbabatayan ng kanilang kapalarang walang hanggan.

P – Ang Mabuting Balita ng Pangi-noon ayon kay San Lucas
B – Papuri sa iyo, Panginoon!

Noong panahong iyon: Sinabi ni Hesus sa kanyang mga alagad: “Magkakaroon
ng mga tanda sa araw, sa buwan, at sa mga bituin. Sa lupa, ang mga bansa ay masisindak at malilito dahil sa ugong at mga daluyong ng dagat. Ang mga tao’y hihimatayin sa takot dahil sa pag-iisip sa mga sakunang darating sa sanlibutan; sapagkat mayayanig at mawawala sa kani-kanilang landas ang mga planeta at iba pang katulad nito na nasa kalawakan. Sa panahong iyon, ang Anak ng Tao’y makikita nilang dumarating na nasa alapaap, may dakilang kapangyarihan at malaking karangalan.
 

Kapag nagsimula nang mangyari ang mga bagay na ito, magalak kayo sapagkat malapit na ang pagliligtas sa inyo.
 

Mag-ingat kayo na huwag magu-mon sa katakawan at paglalasing at mabuhos ang inyong isip sa mga intindihin sa buhay na ito; baka abutan kayo ng Araw na yaon na hindi handa. Sapagkat darating iyon nang di inaasahan ng tao sa buong daigdig. Kaya’t maging handa kayo sa lahat ng oras. Lagi ninyong idalangin na magkaroon kayo ng lakas upang makaligtas sa lahat ng mangyayaring ito at makaharap sa Anak ng Tao.”

Ang Mabuting Balita ng Panginoon!
B – Niluluwalhati ka namin, Panginoong Hesukristo!

Dakilang Kapistahan ng Pagkahari ni Hesukristo - Nobyembre 25, 2012

HULING LINGGO NG TAONG LITURHIKO "B"

Mabuhay ang Hari ng Ating mga Puso!

PAGPAPAHAYAG NG SALITA NG DIYOS

Unang Pagbasa Dan 7:13-14

Ang “Anak ng Diyos” na pinagkalooban ng kapangya-rihan, kaluwalhatian, at pag-hahari ay isang propetikong larawan ng Muling Nabuhay. Siya ang darating sa wakas ng panahon upang magpahayag ng kanyang walang hanggang paghahari sa sanlibutan.

L – Pagpapahayag mula sa Aklat ni Propeta Daniel

Samantalang ako’y namama-hinga sa gabi, patuloy ang aking pangitain. Ang nakita ko naman ay isang tila taong nakasakay sa ulap. Bumaba ito at lumapit sa nabubuhay magpakailanman. Binigyan siya ng kapamahalaan, ng karangalan at ng kaharian. Siya ay paglilingkuran ng lahat ng tao, bansa at wika. Ang pamamahala niya ay di matatapos at hindi babawiin, at hindi mawawasak ang kanyang kaharian.

Ang Salita ng Diyos!
B – Salamat sa Diyos!

Salmong Tugunan Awit 92
B –Panginoo’y naghari na! Ang damit n’ya’y maharlika!
* Panginoo’y naghahari, na ang suot sa katawan ay damit na maharli-ka at batbat ng kalakasan. B.
* Ang sandigan ng daigdig, matatag ang pinatungan, kahit ano ang gawin pa’y hindi ito magagalaw. Ang trono mo ay matatag simula pa noong una. Bago pa ang ano pa man, likas ikaw’y naroon na. B.
* Walang hanggan, Panginoon, ang lahat ng tuntunin mo, sadyang banal at matatag ang sambahang iyong templo. B.

 

Ikalawang Pagbasa Pah 1:5-8

 Ang maikling siping ito na buhat sa paunang salita sa Aklat ng Pahayag ay nagtataglay ng paglalarawan ng ginawa ni Hesus at patuloy pa ring ginagawa para sa atin. Dahil sa pag-ibig sa atin, pinalaya niya tayo sa ating pagkakasala at ginawa niya tayong isang marangal na bayan ng mga saserdote. Dahil dito, siya ang ating karapat-dapat na Hari.
 

L – Pagpapahayag mula sa Aklat ng Pahayag

Si Hesukristo ang tapat na saksi, ang unang nabuhay sa mga patay, at Hari ng mga hari sa lupa. Iniibig niya tayo at sa kanyang pagkamatay ay pinalaya niya tayo mula sa ating mga kasalanan. Ginawa niya tayong isang liping maharlika upang mag-lingkod sa Diyos at kanyang Ama bilang mga saserdote. Kay Hesukristo ang kapurihan at kapangyarihan magpakailanman! Amen. Pakatandaan ninyo! Darating siyang nasa mga alapaap, makikita ng lahat, pati ng umulos sa kanyang tagiliran; dahil sa kanya, iiyak ang lahat ng lipi sa lupa. Magkakagayon nga. Amen.
“Ako ang Alpha at ang Omega,” wika ng Panginoong Diyos na Makapangyarihan sa lahat, Diyos sa kasalukuyan, sa nakaraan, at siyang darating.
 

Ang Salita ng Diyos!
B – Salamat sa Diyos!
 

Aleluya
B – Aleluya! Aleluya!
Pagpalain dumarating sa ngalan ng Poon natin, pag-hahari’y kanyang angkin.
 

Aleluya! Aleluya!
Mabuting Balita Jn 18:33-37

Habang sinusubok ni Pila-tong siyasatin ang batayan ng pagsasakdal kay Hesus, luma-bas ang katotohanan tungkol sa Pagkahari ni Kristo. Tunay ngang si Hesus ay “Hari,” bagamat hindi gaya ng mga hari ng mundong ito.
 

P – Ang Mabuting Balita ng Pa-nginoon ayon kay San Juan
B – Papuri sa iyo, Panginoon!

Noong panahong iyon, itinanong ni Pilato kay Hesus, “Ikaw ba ang Hari ng mga Judio?” Sumagot si Hesus, “Iyan ba’y galing sa inyong sariling isipan, o may nagsabi sa inyo?” “Ako ba’y Judio?” tanong ni Pilato. “Ang mga kababayan mo at ang mga punong saserdote ang nagdala sa iyo rito. Ano ba ang ginawa mo?”
Sumagot si Hesus, “Ang kaha-rian ko’y hindi sa sanlibutang ito. Kung sa sanlibutang ito ang aking kaharian, ipinakipaglaban sana ako ng aking mga tauhan at hindi naipagkanulo
sa mga Judio. Ngunit hindi sa sanlibutang ito ang aking kaharian!” “Kung gayon, isa kang hari?” sabi ni Pilato. Sumagot si Hesus, “Kayo na ang nagsasabing ako’y hari. Ito ang dahilan kung bakit ako ipinanganak at naparito sa sanlibutan: upang magsalita tungkol sa katotohanan. Nakikinig sa aking tinig ang sinumang nasa katotohanan.”
 

Ang Mabuting Balita ng Panginoon!
B – Niluluwalhati ka namin, Pangi-noong Hesukristo!

Ika-33 Linggo sa Karaniwang Panahon - November 18, 2012

NANANABIK SA PAGBABALIK NG PANGINOON

PAGPAPAHAYAG NG SALITA NG DIYOS

Unang Pagbasa Dan 12:1-3

Ang kasaysayan ng sang-katauhan ay tuwinang tina-tampukan ng sunud-sunod na labanan ng mga nagsisikap na maging tapat sa Panginoon at ng mga puwersa ng kasamaan. Tinitiyak ng sipi ngayong buhat sa Aklat ni Daniel na ang mabuti at marunong ay papupurihan, salamat sa tulong ng Diyos, na sinasagisag ng anghel na si Miguel.

L –Pagpapahayag mula sa Aklat ni Propeta Daniel

Sa pagkakataong yaon, darating si Miguel, ang makapangyarihang bantay ng bansang Israel, at magka-karoon ng matinding kahirapang hindi pa nangyayari kailanman. Ngunit maliligtas ang mga kababayan mong ang pangalan ay nakasulat sa aklat ng Diyos.

Mabubuhay ang marami sa mga namatay sa lahat ng panig ng daigdig; ang iba’y sa buhay na walang hanggan, at ang iba’y sa kaparusahang walang hanggan. At yaong may pagkaunawa at umakay sa marami tungo sa kabutihan ay magniningning na parang tala sa kalangitan magpakailanman.

Ang Salita ng Diyos!
B – Salamat sa Diyos!

Salmong Tugunan Awit 15

B –D’yos ko, ang aking dalangi’y ako’y iyong tangkilikin!

* Ikaw lamang, Panginoon, ang lahat sa aking buhay, ako’y iyong tinutugon sa lahat kong kailangan; ang biyayang kaloob mo ay kahanga-hangang tunay. Nababatid ko na ika’y kasama ko oras-oras, sa piling mo kailanma’y hindi ako matitinag. B.
* Kaya’t ako’y nagdiriwang, ang diwa ko’y nagagalak, ang lagi kong nadarama’y hindi ako matitinag. Pagkat di mo tutulutang ang mahal mo ay malagak, sa balon ng mga patay upang doon ay maagnas. B.
* Ituturo mo ang landas na buhay ang hahantungan, sa piling mo’y madarama ang lubos na kagalakan; ang tulong mo’y nagdudulot ng ligayang walang hanggan. B.

Ikalawang Pagbasa Heb 10:11- 14.18

Sa patuloy niyang pagha-hambing sa mga saserdoteng Judio at ni Hesus, binibigyang-diin ng may-akda ng Liham sa mga Hebreo ang pangingi-babaw at higit na kadakilaan ng sakripisyo ni Kristo. Sa ganang sarili, sapat na itong magligtas sa lahat ng tao.

L – Pagpapahayag mula sa Sulat sa mga Hebreo

Bawat saserdote ay nakatayong naglilingkod araw-araw at naghahandog ng iyon at iyon ding mga hain, subalit hindi makapapawi ng kasalanan ang mga haing iyon. Ngunit si Kristo ay minsan lamang naghandog dahil sa mga kasalanan, at iyo’y sapat na. Pagkatapos, lumuklok siya sa kanan ng Diyos. At naghihintay siya roon hanggang sa lubusang pasukuin sa kanya ng Diyos ang kanyang mga kaaway. Samakatwid, sa pamamagitan ng isa lamang paghahandog ay kanyang pinapaging-banal magpakailanman ang mga nilinis niya. Sapagkat ipinatawad na ang mga kasalanan, hindi na kailangan pang maghandog dahil sa kasalanan.

Ang Salita ng Diyos!
B – Salamat sa Diyos!

Aleluya
B – Aleluya! Aleluya!
Manalanging walang humpay samantalang hinihintay si Hesus na Poong mahal.

Aleluya! Aleluya!

Mabuting Balita Mc 13:24-32

Habang palapit na ang pagtatapos ng misyon ni Hesus, tinukoy ni Hesus ang katapusan ng Jerusalem at ng mundo sa mga pananalitang apokaliptiko. Sa sipi ngayon, tinitiyak niya sa kanyang mga disipulo ang pang-wakas na pagtatagumpay ng mabuti habang binibigyang-diin din ang patuloy na pagmamasid at kahandaan.

P – Ang Mabuting Balita ng
Panginoon ayon kay San Marcos
B – Papuri sa iyo, Panginoon!

Noong panahong iyon, sinabi ni Hesus sa kanyang mga alagad: “Sa mga araw na iyon, pagkatapos ng mga napakalaking kapighatian, magdidilim ang araw, hindi magliliwanag ang buwan, malalaglag mula sa langit ang mga bituin, at mayayanig ang mga kapangyarihan sa kalawakan.
At makikita ang Anak ng Tao na nasa alapaap, dumarating na may dakilang kapangyarihan at malaking karangalan. Susuguin niya ang kanyang mga anghel sa apat na panig ng daigdig at titipunin nila ang mga hinirang ng Diyos, mula sa lahat ng dako.
Unawain ninyo ang aral mula sa puno ng igos: kapag sumisipot na ang mga dahon sa sanga nito, alam ninyong malapit na ang tag-araw. Gayon din naman, kapag nakita ninyong nangyayari na ang mga bagay na ito, malalaman ninyong malapit na ang panahon ng pagparito niya – nagsisimula na. Tandaan ninyo: magaganap ang mga bagay na ito bago mamatay ang mga taong nabubuhay sa ngayon.
Mawawala ang langit at ang lupa, ngunit ang mga salita ko’y hindi magkakabula. Ngunit walang nakaaalam ng araw o oras ng pagsapit niyon, kahit ang mga anghel sa langit o ang Anak man – ang Ama lamang ang nakaaalam nito.”

Ang Mabuting Balita ng Panginoon!
B – Niluluwalhati ka namin, Pangi-noong Hesukristo!

Ika-32 Linggo sa Karaniwang Panahon - November 11, 2012

MABUHAY ANG MGA BUKAS-PALAD!

PAGPAPAHAYAG NG SALITA NG DIYOS

Unang Pagbasa 1 Ha 17:10-16

Sa pag-iwas sa paghihiganti ni Haring Acab, nakatagpo ng masisilungan at pagkain si Propeta Elias sa bahay ng isang mahirap na balong nakatira sa lupang dumaranas noon ng tagtuyot. Ginantimpalaan ng Panginoon ang pagkabukas-palad ng babae – tanda ng kasaganaan ng Kanyang paggantimpala sa pinakamaliit mang kagandahang loob sa nangangailangan.

L – Pagpapahayag mula sa Unang Aklat ng mga Hari

Noong mga araw na iyon, si propeta Elias ay pumunta sa Sarepta, at nang papasok na siya ng pintuan ng lunsod, nakita niya ang balo na namumulot ng panggatong. Sinabi niya sa babae: “Maaari po bang maki-inom?” Aalis na ang babae upang ikuha siya ng tubig nang pahabol niyang sabihin: “Kung maaari, bigyan mo na rin ako ng kaunting pagkain.”
Sumagot ang babae: “Alam po ng Panginoon na iyong Diyos na wala na kaming tinapay. Mayroon po kaming kaunting harina at kapatak na langis. Namumulot nga ako ng maigatongupang lutuin iyon at makakain man lamang kami ng anak ko bago kami mamatay.”
Sinabi sa kanya ni Elias: “Huwag kang mag-alala. Humayo ka at gawin mo ang iyong sinabi. Ngunit ipagluto mo muna ako ng isang munting tinapay, at pagkatapos magluto ka ng para sa inyo. Sapagkat ganito ang sabi ng Panginoon, Diyos ng Israel: Hindi ninyo mauubos ang harina sa lalagyan at hindi rin matutuyo yaong langis sa tapayan hanggang hindi sumasapit ang talagang takdang araw na ang ula’y marapating papatakin ng Maykapal.”
Ginawa nga ng babae ang utos ni Elias at sila’y kumain – si Elias at silang mag-ina. At hindi nga naubos ang harina sa lalagyan, at hindi natuyo ang langis sa sisidlan, tulad ng pangako ng Panginoon sa pamamagitan ni Elias.

Ang Salita ng Diyos!
B – Salamat sa Diyos!

Salmong Tugunan Awit 145
B –Kalul’wa ko, ‘yong purihin ang Panginoong butihin!

* Ang maaasahang lagi’y Pangi-noon, panig sa naaapi, ang Diyos na hukom, may pagkaing handa, sa nangagugutom. B.
* Pinalaya niya ang mga nabihag; isinasauli, paningin ng bulag; lahat ng inapi ay itinataas, ang mga hi-nirang niya’y nililingap. B.
* Isinasanggalang ang mga dayuhang sa lupain nila’y doon tumatahan; tumutulong siya sa balo’t ulila, masamang balangkas pinipigil niya. B.
* Walang hanggang Hari, ang Diyos na Poon! Nabubuhay lagi ang Diyos mo, Sion! B.

Ikalawang Pagbasa Heb 9:24-28

Sa sipi ngayon, ang may- akda ng Liham sa mga Hebreo ay patuloy sa pagpuri sa pagi-ging saserdote ni Kristo. Binibigyan niya ng diin ang pambihirang kapangyarihan ng kanyang minsanang pag-aalay sa sarili at ang kanyang maluwalhating pagbabalik para sa kaligtasan ng lahat ng sumasampalataya sa kanya.

L – Pagpapahayag mula sa Sulat sa mga Hebreo

Pumasok si Kristo, hindi sa isang Dakong Banal na ginawa ng tao at larawan lamang ng tunay, kundi sa langit. At ngayo’y nasa harapan siya ng Diyos at namamagitan para sa atin.
Ang dakilang saserdote ng mga Judio ay pumapasok sa Dakong Banal taun-taon, may dalang dugo ng mga hayop. Ngunit minsan lamang pumasok si Kristo upang ihandog ang kanyang sarili, at iya’y sapat na. Kung di gayon, kailangan sanang siya’y paulit-ulit na mamatay mula pa nang matatag ang sanlibutan. Subalit minsan lamang siyang napakita, ngayong magtatapos na ang mga panahon, upang pawiin ang kasalanan sa pamamagitan ng haing kanyang inihandog.
Itinakda sa mga tao na minsan lamang mamatay at pagkatapos ay ang paghuhukom. Gayon din naman, si Kristo’y minsang inihandog bilang hain upang pawiin ang mga kasalanan ng mga tao. Siya’y muling darating, hindi upang ihandog na muli dahil sa kasalanan kundi upang iligtas ang mga naghihintay sa kanya.

Ang Salita ng Diyos!
B – Salamat sa Diyos!

Aleluya Mt 5:3
B – Aleluya! Aleluya!

Mapalad ang mga dukha na tanging D’yos na lumikha ang pag-asa at adhika.
Aleluya! Aleluya!

 

Mabuting Balita Mc 12:38-44

Sadyang napakalayo sa kasakiman ng “nagpapasasa sa mga naipon ng mga balo” ang nakaaantig na pagbibigay ng mahirap na balong naghandog sa kabang yaman ng Templo ng lahat niyang ikabubuhay. Ang halimbawa niya ay isa ring makapangyarihang pampasigla sa lahat ng nag-aakalang wala silang gaanong maitutulong sa iba.

P – Ang Mabuting Balita ng Panginoon ayon kay San Marcos
B – Papuri sa iyo, Panginoon!

Noong panahong iyon, sinabi ni Hesus sa kanyang pagtuturo, “Mag-ingat kayo sa mga eskriba na mahilig maglalakad nang may mahabang kasuutan at natutuwang pagpugayan sa mga liwasan. Ang ibig nila’y ang mga tanging luklukan sa mga sinagoga, at ang mga upuang pandangal sa mga piging. Inuubos nila ang kabuhayan ng mga babaing balo, at ang sinasangkala’y ang pagdarasal nang mahaba! Lalo pang bibigat ang parusa sa kanila!”

Umupo si Hesus sa tapat ng hulugan ng mga kaloob doon sa templo, at pinagmasdan ang mga taong naghuhulog ng salapi. Mara-ming mayayamang naghulog ng malalaking halaga. Lumapit naman ang isang babaing balo at naghulog ng dalawang kusing na katumbas ng isang pera. Tinawag ni Hesus ang kanyang mga alagad at kanyang sinabi, “Sinasabi ko sa inyo: ang dukhang balong iyon ay naghulog ng higit sa kanilang lahat. Sapagkat ang iba’y nagkaloob ng bahagi lamang ng hindi na nila kailangan, ngunit ibinigay ng balong ito na dukhang-dukha ang buo niyang ikabubuhay.”

 

Marcos 12:42-43 

Ang Mabuting Balita ng Panginoon!
B – niluluwalhati ka namin, Panginoong Hesukristo!

Homiliya

Ika-31 Linggo sa Karaniwang Panahon - Nobyembre 4, 2012

Ang Dalawang Pag-ibig na Nagliligtas sa Mundo

PAGPAPAHAYAG NG SALITA NG DIYOS

 

Unang Pagbasa: Deut 6:2-6

Pananalig sa Diyos at ma-pitagang pag-ibig sa Kanya ang dalawang pangunahing katangian ng bayang Israel. Ito ang ikinatangi nila sa lahat ng kanilang mga kasamang pagano. Ang pagpapahayag ng pana-nampalataya sa isang Diyos at ang tungkuling ibigin Siya nang buong puso, kaluluwa, at lakas ay ilan sa pinakamahalagang kayamanang minana natin sa mga Judio.

L – Pagpapahayag mula sa Aklat ng Deuteronomio

Sinabi ni Moises sa mga tao: “Matakot kayo sa Panginoon, ang inyong Diyos, at sundin ang lahat ng kanyang mga utos at mga tuntunin habang kayo’y nabubuhay. Kung ito’y susundin ninyo, hahaba ang inyong buhay. Kaya nga, dinggin ninyo ito at sunding mabuti. Kung magkagayo’y mapapanuto kayo, at lalaki ang inyong lahi pagdating ninyo sa lupaing ipinangako niya sa inyo, sa lupaing sagana sa lahat ng bagay.
Dinggin mo, Israel: Ang Pangi-noong ating Diyos ay siya lamang Panginoon. Ibigin mo ang Panginoon mong Diyos nang buong puso, kalu-luwa at lakas. Ang mga utos niya’y itanim mo sa iyong isip.”

Ang Salita ng Diyos!

B – Salamat sa Diyos!

Salmong Tugunan

B – Poong aking kalakasan, iniibig kitang tunay!

* O Panginoon kong aking kala-kasan, minamahal kita nang tunay na tunay. Panginoo’y batong hindi matitibag, matibay kong muog at Tagapagligtas. B.
* D’yos ko ang sa akin ay s’yang nag-iingat. Tagapagtanggol ko at aking kalasag. Sa ‘yo, Panginoon, ako’y tumatawag sa mga kaaway ako’y ‘yong iligtas. B.
* Panginoo’y buhay, s’ya’y Taga-pagligtas, matibay kong muog, purihin ng lahat. Sa piniling hari, dakilang tagumpay, ang kaloob ng D’yos sa kanyang hinirang. B.

 

Ikalawang Pagbasa Heb 7:23-28

Ipinaaalaala sa atin ng may-akda ng Liham sa mga Hebreo na ang mga saserdote ng Matandang Tipan mismo ay makasalanan at kung makailang ulit na nag-aalay ng sakripisyo. Sa kabilang dako, si Hesus ang walang salang Punong Saserdoteng
nag-alay ng kanyang sarili nang minsan at para sa lahat. Siya ngayo’y nabubuhay nang walang hanggan at siyang bukal ng kaligtasang panlahat sa pamamagitan ng kanyang tanging ganap at sapat nang sakripisyo.

L – Pagpapahayag mula sa Sulat sa mga Hebreo

Mga kapatid, dati, sa Matandang Tipan, maraming saserdote ang naghahali-halili, sapagkat namamatay
sila at hindi nakapagpapatuloy sa panunungkulan.
Ngunit si Hesus ay buhay mag-pakailanman, at hindi siya mahaha-linhan sa kanyang pagkasaserdote. Dahil nga riyan, lubusan niyang maililigtas ang lahat ng lumalapit sa Diyos sa pamamagitan niya, sapagkat siya’y nabubuhay magpakailanman upang mamagitan para sa kanila.
Si Hesus, kung gayon, ang Dakilang Saserdoteng makatutugon
sa ating pangangailangan. Siya’y banal, walang kapintasan o kasalanan, nahihiwalay sa mga makasalanan at mataas pa kaysa sangkalangitan. Hindi siya katulad ng ibang mga dakilang saserdote na kailangang maghandog ng mga hain araw-araw, una’y para sa sarili nilang kasalanan, at pagkatapos, para sa kasalanan ng mga tao. Minsang naghandog si Hesus – at iya’y pangmagpakailanman – nang ihandog niya ang kanyang sarili. May mga kahinaan ang mga dakilang saserdoteng hinirang ayon sa Kautusan; subalit ang saserdoteng hinirang na may panunumpa ay ang Anak, banal magpakailanman. At ang panunumpa ng Diyos ay huling dumating kaysa Kautusan.

Ang Salita ng Diyos!
B – Salamat sa Diyos!

Aleluya Jn 14:23
B – Aleluya! Aleluya!
Ang sa aki’y nagmamahal, tutupad sa aking aral. Ama’t ako’y mananahan.
Aleluya! Aleluya!

 

Mabuting Balita Mc 12:28b-34

Ngayo’y ipinaalaala ni Hesus sa mga eskriba (at sa atin) na ang tapat na pag-ibig sa Diyos ay di maihihiwalay sa pag-ibig sa kapwa. Sa ganitong mga pa-ngunahing saligan nakasalalay ang buong buhay na moral ng Kaharian.

P – Ang Mabuting Balita ng Pangi-noon ayon kay San Marcos
B – Papuri sa iyo, Panginoon!

Noong panahong iyon, lumapit ang isa sa mga eskriba kay Hesus at tinanong siya, “Alin pong utos ang pinakamahalaga?” Sumagot si Hesus, “Ito ang pinakamahalagang utos, ‘Pakinggan mo, Israel! Ang Panginoon na ating Diyos – siya lamang ang Panginoon. Ibigin mo ang Panginoon mong Diyos nang buong puso, nang buong kaluluwa, nang buong pag-iisip, at nang buong lakas.’ Ito naman ang pangalawa, ‘Ibigin mo ang iyong kapwa gaya ng iyong sarili.’ Wala nang ibang utos na hihigit pa sa mga ito.”
“Tama po, Guro!” wika ng eskriba.
“Totoo ang sinabi ninyo. Iisa ang Diyos at wala nang iba liban sa kanya. At ang umibig sa kanya nang buong puso, buong pag-iisip, at buong lakas, at ang umibig sa kapwa gaya ng kanyang sarili ay higit na mahalaga kaysa magdala ng lahat ng handog na susunugin, at iba pang mga hain.”
Nakita ni Hesus na matalino ang kanyang sagot, kaya’t sinabi niya, “Malapit ka nang mapabilang sa mga pinaghaharian ng Diyos.” At wala nang nangahas magtanong kay Hesus mula noon.

Ang Mabuting Balita ng Panginoon!

 

B – Niluluwalhati ka namin, Panginoong Hesukristo!

Homiliya

Nawa sa pamamagitan ng ebanghelyo ay mapawi ang ating kasalanan at ang ating karamdaman. Sa pangalan ng Diyos AMA, ANAK, at ng ESPIRITU SANTO. Amen.

Isang mapagpalang umaga po sa inyo mga magulang ko't mga kapatid Ang mabuting balita po natin ngayon ay patungkol sa mga utos ng Diyos.

Noong unang panahon ang Makapangyarihang Diyos na Lumikha ay nagbigay ng sampung-utos, ibinigay n'ya iyon kay Moises, nang sa kadahilanan na ang tao ay gumagawa ng pagkakasala ng kanilang kaluluwa at ang tao'y naghahanap ng liprika ng Diyos na kanilang sasambahin, noong panahong iyon ang Diyos ay nalungkot dahil para sa tao ay hindi pa sapat ang mga himala ng Diyos na ipinakita sa kanila. Kaya't iniukit ang sampung-utos sa bato ng Makapangyarihang Diyos Amang lumikha.

Sa panahon ng ating Panginoong Jesukristo ang sampung utos na ito ay nahati sa dalawa, ang unang utos sabi ng ating Panginoong Jesukristo: 'Ibigin mo ang Panginoon mong Diyos nang buong puso, nang buong kaluluwa, nang buong pag-iisip, at nang buong lakas.’ Ito naman ang pangalawa, ‘Ibigin mo ang iyong kapwa gaya ng iyong sarili.’ maipapakita po natin ang pag-ibig sa ating Panginoong Diyos ng buong puso sa pamamagitan ng pag-layo sa kasalanan alalaumbagay iiwasan natin gawin ang mga bagay na ipagkakasala ng ating kaluluwa hindi ito kalugod lugod sa Diyos. Ibigin natin ang Diyos nang buong kaluluwa sa pamamagitan ng paghahandog ng araw-araw nating gawain, sa pag-tatrabaho, sa pag-aaral na s'ya ang manguna sa atin.

ipagpapatuloy.........

Solemnity of All Saints - Homily November 1, 2012

Solemnity of All Saints

1st Reading: Rv 7:2-4,9-14

 

2 At nakita kong umaakyat sa gawing silangan ang isa pang anghel, taglay ang pantatak ng Diyos na buhay. Sumigaw siya sa apat na anghel na binigyan ng Diyos ng kapangyarihang maminsala sa lupa at sa dagat, 3 "Huwag muna ninyong pinsalain ang lupa, ang dagat o ang mga punongkahoy hangga't hindi pa natin nalalagyan ng tatak sa noo ang mga lingkod ng ating Diyos." 4 At sinabi sa akin ang bilang ng mga tinatakan, 144,000 buhat sa labindalawang lipi ng Israel.

Ang mga Nagtagumpay Mula sa Lahat ng Bansa

               9 Pagkatapos nito'y nakita ko ang napakaraming tao na di kayang bilangin ninuman! Sila'y mula sa bawat bansa, lahi, bayan, at wika. Nakatayo sila sa harap ng trono at ng Kordero, nakadamit ng puti at may hawak na mga palaspas. 10 Sinasabi nila nang malakas, "Ang kaligtasan ay nagmumula sa Kordero, at sa ating Diyos na nakaluklok sa trono!" 11 Tumayo ang lahat ng anghel sa palibot ng trono, gayundin ang mga pinuno, at ang apat na nilalang na buhay. Sila'y nagpatirapa sa harap ng trono at sumamba sa Diyos. 12 Sinasabi nila, "Amen! Sa ating Diyos ang papuri, kaluwalhatian, karunungan, pasasalamat, karangalan, kapangyarihan, at lakas magpakailanman! Amen."

               13 Tinanong ako ng isa sa mga pinuno, "Sino ang mga taong nakadamit ng puti, at saan sila nanggaling?"

               14 "Ginoo, kayo po ang nakakaalam," ang sagot ko.

               At sinabi niya sa akin, "Sila ang mga nagtagumpay sa gitna ng matinding kapighatian. Nilinis nila at pinaputi sa dugo ng Kordero ang kanilang damit.

Reponsorial Psalm: Ps 24:1bc-2,3-4ab,5-6

Ang Dakilang Hari
Awit ni David.

1 Ang buong daigdig at ang lahat ng naroon,
ang may-ari'y si Yahweh na ating Panginoon.

2 Itinayo niya ang daigdig sa ibabaw ng karagatan,
inilagay ang pundasyon sa mga tubig sa kalaliman.

3 Sa burol ni Yahweh, sinong nararapat umahon?
Sa banal niyang Templo, sinong dapat pumaroon?

4 Ang taong malinis ang buhay pati ang isipan,
hindi sumasamba sa mga diyus-diyosan;
at hindi sumusumpa ng kasinungalingan.

5 Bibigyan siya ni Yahweh ng pagpapala't kaligtasan,
ipahahayag siya ng Diyos na walang kasalanan.

6 Ganoon ang mga taong lumalapit sa Diyos,
silang dumudulog sa Diyos ni Jacob. (Selah) 

2nd Reading: 1Jn 3:1-3

Ang mga Anak ng Diyos

               1 Tingnan ninyo kung gaano kalaki ang pag-ibig sa atin ng Ama! Tinatawag niya tayong mga anak ng Diyos, at iyan nga ang totoo. Ito ang dahilan kung bakit hindi tayo nakikilala ng mga makasanlibutan: hindi nila kinikilala ang Diyos. 2 Mga minamahal, anak na tayo ng Diyos ngayon, ngunit hindi pa nahahayag ang magiging kalagayan natin. Ngunit alam nating sa pagparitong muli ni Cristo, tayo'y matutulad sa kanya, sapagkat makikita natin kung sino talaga siya. 3 Kaya't ang sinumang may ganitong pag-asa ay nagsisikap na maging malinis ang pamumuhay tulad ni Cristo.

 

Gospel: Mt 5:1-12a

Ang Sermon sa Bundok

               1 Nang makita ni Jesus ang napakaraming tao, umakyat siya sa bundok. Pagkaupo niya lumapit ang kanyang mga alagad 2 at sila'y tinuruan niya.

Ang mga Mapapalad
(Lucas 6:20-23)

  

Mateo 5:7-10 - "Mapalad ang mga mahabagin, sapagkat kahahabagan sila ng Diyos. "Mapalad ang mga may malinis na puso, sapagkat makikita nila ang Diyos. "Mapalad ang mga gumagawa ng paraan para sa kapayapaan, sapagkat sila'y ituturing na mga anak ng Diyos ."Mapalad ang mga inuusig nang dahil sa kanilang pagsunod sa kalooban ng Diyos, sapagkat mapapabilang sila sa kaharian ng langit. 

3 "Mapalad ang mga taong walang inaasahan kundi ang Diyos,
sapagkat mapapabilang sila sa kaharian ng langit.

4 "Mapalad ang mga nagdadalamhati, sapagkat aaliwin sila ng Diyos.

5 "Mapalad ang mga mapagpakumbaba,
sapagkat mamanahin nila ang daigdig.

6 "Mapalad ang mga nagugutom at nauuhaw sa katuwiran,
sapagkat sila'y bubusugin.

7 "Mapalad ang mga mahabagin, sapagkat kahahabagan sila ng Diyos.

8 "Mapalad ang mga may malinis na puso, sapagkat makikita nila ang Diyos.

9 "Mapalad ang mga gumagawa ng paraan para sa kapayapaan,
sapagkat sila'y ituturing na mga anak ng Diyos.

10 "Mapalad ang mga inuusig nang dahil sa kanilang pagsunod sa kalooban ng Diyos, sapagkat mapapabilang sila sa kaharian ng langit.

11 "Mapalad ang mga nilalait at inuusig ng mga tao, at pinaparatangan ng lahat ng uri ng kasamaan na pawang kasinungalingan a nang dahil sa akin.

12 Magsaya kayo at magalak sapagkat malaki ang inyong gantimpala sa langit. Gayundin ang ginawa ng mga tao sa mga propetang nauna sa inyo." 

Homily

 

Ave Maria Purissima,

 

Nawa sa pamamagitan ng ating ebanghelyo ay mapawi ang ating mga kasalanan at ang ating mga karamdaman. Sa pangalan ng Diyos AMA, ANAK at ESPIRITU SANTO. Amen.

 

Isang napaka-gandang umaga po sa inyong lahat mga magulang ko't mga kapatid, tunay na mapalad ang tao dahil naganap na ang pagtatatak ng Diyos Espiritu Santo sa noo ng kanyang mga napili't hinirang para sa kaligtasan nating lahat patungo sa buhay na walang hanggan. Ang Espiritu Santo ay ang pangatlong Persona ng Diyos ng Santisima Trinidad ay nag-patawag sa abang pangalan at nagpapakababang pangalang INGKONG ay naglilingkod sa tao walang laman, walang buto kaya gumagamit ng tao sa pamamagitan ni Juan Florentino ay napasimulan niya ang kanyang misyon at sa pamamagitan din ni Juan Florentino na Kanyang pinili magwawakas ang Ikatlong Persona ng Diyos, ang Diyos Espiritu Santo ang Mahal na Ingkong sa paglilingkod sa tao. Sa pamamagitan ng ating Mahal na Patriyarka +Dr. Juan Florentino ay nakapiling ng Diyos Espiritu Santo ang Tunay at Banal na Luklukan sa Langit, Sta. Maria Virginia. Wala ng pagtatatak, wala na tayong makikitang pagmamahal ng Diyos, tulad ng dapat asahan at mensahe po ng Diyos Espiritu Santo ang Mahal na Ingkong dapat na po nating samantalahin ang pagkakataon hangga't buhay po ang ating Pinakamamahal na Patriyarka Juan Florentino. Ang lahat ng pagpapala na ibibigay, matapos na ang Patriyarka ay kunin na sa langit ay sa pamamagitan niya laluna sa mga sakramento't paglilingkod na nag-iisang simbahan ang tinatag ng Diyos Espiritu Santo ang Apostolic Catholic Church. Pero sayang po mga magulang ko't mga kapatid, sayang ang pagkakataon ang mga taong malagyan ng mga tatak ng krus na puti sa noo hangga't pinipigilan pa ng Diyos AMA ang mga angel sa apat na sulok ng mundo, ang sabi niya sa apat na angel "huwag n'yo munang pupuksain at sasaktan ang lupa, ang dagat hangga't hindi natatatakan sa noo ang dapat tatakan" nandoon po yun nakasulat sa aklat ng Apocalypsis sa huling libro ng ating banal na kasulatan.

 

Mensahe ng Diyos Espiritu Santo ang Mahal na Ingkong, may 144,000 mga taong nakaputi babae't lalaki bata matanda na nasa noo nila'y may tatak ng krus at taglay nila ang batong  puting buhay ay nagpapaalaala at nagpapatunay sa bagong pangalan ng Diyos, kung ang AMA ay may pangalan, ang pangalan niya'y YAHWEE at ang ANAK ang pangalan niya'y JESUS at bilang KRISTO siya'y tinawag na MANUNUBOS, ang ESPIRITU SANTO sa takdang panahon at ang pangyayari ay ngayon na po. 25 years ago also ipinahahayag ni Jesus unti-unti ang pangalan ng  ESPIRITU SANTO ang INGKONG, sapagkat ang lahat ng bagay ay pararaanin sa pangalan ni JESUS, ng dati'y ang amin pong Patriyarka Juan Florentino ay nag-aaral ng pagkapari sa Ateneo de Manila University at San Jose Mayor Seminary at siya'y scholar mula unang taon hanggang sa matapos siya, saka nasumpungan ng Diyos ang katapatan ng kanyang pananampalataya, tunay nga ang kabataan ang pag-asa ng bayan ng Diyos. Sa Ateneo Manila sa kanyang pagninilay nagpakita ang Diyos sa kanya na nag-anyong matanda isang Ingkong, at siya'y nagtanong "anak maaari mo ba akong tulungan?" ang sagot ng batang seminaryo na si Juan Florentino "kung hinihingi po ninyo ang ikaliligtas ng buong mundo, gawin mo sa akin ang nararapat" dahil sa laki ng pananampalataya ng batang ito, hindi naman nya kakilala ang matanda kaya ibinigay ng Diyos AMA sa bibig ni Juan Florentino ang wiwikain. Sa harap niya nagpakilala at nagpakita ang matanda, nag-bagong anyo ang matanda bilang Jesus hindi na nakatungtung sa lupa, naka angat na sa hangin at sa kanya binulong ng Jesus "mapalad ka anak, umabot ka sa huling patak ng aking dugo sa kalbaryo mula ngayon kung kinakailangan mo ako madarama mo ako." Pinatayo siya lahat ibinigay ng Diyos ang Kanyang Mensahe na ang "propesiya ngayon ay mangyayari at magaganap na, mula sa'yo at sa lahi mo mabubuo ang Bagong Herusalem at nasusulat ang Ikatlong Tipan."

 

Kung ang AMA ay may pananampalataya at simbahan ang tawag dito ay Judaism ang paniniwala sa Iisang Diyos, Diyos ni Abraham, Diyos ni Isaac at Diyos ni Jakob. Ang  Diyos Anak na si Jesus ay may sariling din namang simbahan nang nag-parito siya hindi bilang isang kristiyano kundi bilang isang Judio sa pamamagitan ng mga kapalaluan at pagkakasala, nag-iimbento ang mga pari ng simbahan mula sa panahon ng AMA. Nagtayo si Jesus ng ONE HOLY CATHOLIC APOSTOLIC CHURCH na nahati sa dalawa naging Eastern Right Orthodox at Western Right Roman Catholic noong 1054 nagkaroon ng malaking paghahati ang tawag ay Great Schism subalit sinabi ng AMA isang kawan at isang pananampalataya alalaumbagay hindi dapat mabigo ang Diyos AMA sapagkat siya'y makapangyarihan sa lahat pero papaano ang pag-babalik muli, ang dalawang nag-tatalo na simbahan na ang bawat isa ang akala nila sila'y tunay at dapat na inaalaala rin niya ang iba't ibang simbahan na ang simbahang nag-aaway ay walang kaligtasan, kung ano-ano ang pinagsasabi alalaumbagay parang alam nila ang kalooban ng Diyos at natatangi lang sila at sila lamang ang dapat maligtas at ang lahat ay dapat maparusahan sa impiyerno, anong uri ng pananampalataya ang mga taong ito mayroon sabi ng MAHAL NA INGKONG. Ngunit diba ang DIYOS ay pag-ibig at sa pag-ibig ay pagmamahal, paglilingkuran, pagkakaisa bakit itatangi mo ang sarili mo wika ng MAHAL NA INGKONG, kaya sa panahon ng ESPIRITU SANTO marapat dinaan sa pamamagitan ni Jesus na itatag ang simbahan ng ESPIRITU SANTO ANG MAHAL NA INGKONG ang APOSTOLIC CATHOLIC CHURCH ibig sabihin ito lamang ang natatanging simbahan na may KOMPLETONG APOSTOLIC LINE OF VALID SUCCESSION, ang lahat ng simbahan naging dalawa, 26 na linya ng mga Apostol ang na itatag dahil dito nakuha ang isang samahan, isang simbahan. Ano man ang talento niya sa kanyang pananampalataya bahagi siya ng ONE HOLY CATHOLIC APOSTOLIC CHURCH mula kay KRISTO ibinigay sa mga Apostoles at ang mga Apostoles ikinuwento nila ang kanilang mga kamay sa kanilang hahalili ang tawag nila ay mga Obispo. Sa linya ni Pedro 20 100 at 60 ang naging Papa at ang aming Pinakamamahal na Patriyarka na si Juan Florentino sa linya na yan siya ay pang 264 of Succession mula kay Pedro sa upright ng romano. Pero 26 ng linyang yan at ang lahat ng yan ay hawak ng APOSTOLIC CATHOLIC CHURCH sa pamamagitan ni Patriarch +Dr John Florentine L. Teruel, P.P. PhD. kung uuriin at kikilatisin ito ang pinaka kompletong puro. Bakit nga ba hindi sapagkat itong simbahan tinatag ng Espiritung nagbibigay kalinawan, katotohanan at katuwiran sa mga ginawa ni Kristo bilang tagapagligtas. Ang lahat ng kamatayan, sakramento ni JESUS hindi sa pagpapala ng ESPIRITU SANTO wala rin bisa yan. Papano pa itatayo mismo ng Espiritu Santo ang kanyang simbahan, bakit ito magkaroon ng kakulangan samantalang  sinasabi mismo ng ating Panginoong Jesukristo magkasala ka sa AMA maari kang patawarin, magkasala ka sa ANAK humingi ka ng awa patatawarin ka subalit ang pagkakasala laban sa ESPIRITU SANTO sa oras na yan hanggang sa kabilang buhay, tatanggapin mo ang kaparusahan sa kasalanan mo.

 

So nagaganap na ang propesiya sa aklat ng Apocalypsis, na ang Diyos Espiritu Santo ay magtatatak ng krus ng kabanalan o krus ng kaligtasan sa noo. Tunay pong mapalad ang mga matatatakan ng Krus sa noo sapagkat siya'y ipinganganak muli ng Espiritu ng Diyos. Ito po ay nasusulat, ang pag-uusap ni Nicodemus at ng ating Panginoong Jesukristo na ang tao hanggat hindi ipinanganak muli ay hindi siya makakarating sa kaharian ng langit at yan ay sa bawat isa sa atin, dito rin matutupad ang hula ni propeta Isaias na pag-dating ng takdang panahon isasabog ng Diyos ang kanyang Banal na Espiritu, ito na po yun sa panahon natin ngayon at ang hula ni propeta Joel ang pagsasama ng taga-langit at taga-lupa.

 

Tandaan ninyo mga magulang ko't mga kapatid, Meninsahe ng Mahal na Birhen Maria noong 1959 kay Matous Losuta sa Village ng Turzovka sa Czechoslovakia, ang sabi ng Mahal na Birhen Maria kay Matous Losuta ganito: “Darating ang panahon magtatatak ako ng krus sa bawat isa, doon sa kanilang noo tatatakan ko ng krus. Gagabayan sila ng mga angel at mga banal at walang ibang makaaalam maliban lamang sa kanila.” Yan po mga magulang ko’t mga kapatid ang mensahe, ang tanong, sino o ano ba ang role ng Mahal na Birhen Maria sa Espiritu Santo sa panahon natin ngayon? Di po ba siya ang Esposa ng Espiritu Santo o “Spouse of the Holy Spirit” ang ibig sabihin siya ay kaisa sa mga gawain o kaganapan ng ikatlong persona ng Diyos, ang Diyos Espiritu Santo na nagpatawag sa abang pangalang Mahal na Ingkong.

 

Ave Maria Purissima, +++

 

Nagmula sa Diyos Espiritu Santo ang Mahal na Ingkong para sa inyong inspirasyon.